Жүргізушілерге күн райының бұзылуына байланысты еліміздің автожолдарында жылдамдық режимін сақтау ескертілді, деп хабарлайды KAZ.NUR.KZ "ҚазАвтоЖол" ҰҚ" АҚ-ға сілтеме жасап.

"ҚазАвтоЖол" мәліметінше, бүгін, 8 желтоқсанда Ақмола, СҚО, ШҚО, БҚО, Ақтөбе, Қарағанды, Қостанай, Жамбыл, Алматы, Абай, Жетісу, Түркістан, Маңғыстау, Қостанай және Павлодар облыстарының кей жерлерінде қар аралас жаңбыр мен қар күтілуде.

"Сол себепті жүргізушілерге жылдамдық режимі мен арақашықтықты қатаң сақтап, жолдардағы ауа райының қолайсыздығын ескеруді сұраймыз.

1403 байланыс орталығына хабарласып, тәулік бойы қосымша ақпарат алуға болады", — делінген хабарламада.

Мәтіннен қате тапсаңыз, бізге жазыңыз