9 желтоқсан күні Астана әкімдігі арнайы матч үшін 25-ке жуық автобусты іске қосады

Астана қаласының әкімдігі "Қайрат" пен "Олимпиакос" командалары арасындағы матчқа орай жанкүйерлер үшін арнайы шаттл-автобустарды іске қосады. Бұл шара жанкүйерлердің Астана-Арена стадионына ыңғайлы және қауіпсіз жетуін қамтамасыз ету мақсатында ұйымдастырылып отыр.

Матч өтетін күні елордалық әкімдік 25-ке жуық автобусты іске қосады. Олар қаланың бес түрлі нүктесінен Астана-Арена" стадионына дейін және кері бағытта қатынайды.

Жинақтау нүктелері (аялдамалар):

Елордалық цирк

Әзірет Сұлтан мешіті
Қазақстан спорт кешені
Орталық саябақ
Бас мешіт
Қозғалыстың басталу уақыты: 18:00

Жанкүйерлерге ұсыныс: Аялдамаларға сағат 17:30-ға дейін келуге кеңес беріледі.

Бағыты: Автобустар екі бағытта да (стадионға және кері) жүреді.

Матч барысында Астана қаласының Полиция департаменті қоғамдық қауіпсіздік шараларын күшейтеді. Қоғамдық тәртіпті сақтауға 2800-ге жуық полиция қызметкері жұмылдырылады. Олардың қатарында патрульдік бөлімшелер, учаскелік инспекторлар және кинологиялық қызмет мамандары бар.