Шеберлер мұның себебін ұлттық бренд киімдердің әлемде кеңінен насихатталуынан деп түсіндіреді.
Расында қазір қазақ үлгідегі шапандар мен тымақтар, өзге де кәде сыйлар жаһанға танылды. Есесіне бұл тренд Өзбекстандағы қазақ қолөнершілерінің өз кәсібін дөңгелетуіне сеп болған.
Рахатай Жанықұлова он саусағынан өнер тамған шебер. Үйінде бос отырмай қазақтың ұлттық бұйымдарын дамытуға атсалысып жүр. Оюлы құрақ көрпешелер, той жасауы мен қазақы нақыштағы киімдер тігеді. Зейнеткердің айтуынша, бұл өнерді әжесінен үйренген.
Рахатай Жанықұлова, қолөнер шебері:
- Әртүрлі алашаларды күзеуін байлап беретін менің әжем. Киіздің ішіне қазақша ою салатын, сол әжемнен осы өнер дарыды деп ойлаймын.
«Еңбек- бәрін де жеңбек» деген ұранды берік ұстанған шебер, дәл осы тігіншілік өнерінің арқасында шағын кәсіп ашып, өз ісін дөңгелетіп отыр.
Рахатай Жанықұлова, қолөнер шебері:
- Қазақтың салт- дәстүрін, ұлттық киімдерін, көрпешелерін бесікке салар салттың жасауын барлығын қазақша жасауға ұмтылып жатырмыз. Сұраныс жоғары, қызығушылар күннен күнге көбейіп жатыр.
Ташкент облысында қазақтар қоныстанған ауылдар аз емес. Мұндағы ағайын салт -дәстүрді берік ұстанады. Үлкендер жағы өскелең ұрпақты әрдайым ұлттық құндылықтармен сусындатып келеді.
Серікбай Үсенов, қазақ ұлттық-мәдени орталығының төрағасы:
- Ертеңгі жас ұрпаққа мұғалімдер, қазақ тілі әдебиеті пәнін оқытатын маман даярлау мақсатымыз. Ол үшін бізде барлық мүмкіндік бар. Жастар тәрбиесінде не кемшілігі болса, біз соларды орнын толтыруға мүмкіншілік жасалған.
Өзбекстанда қазақ қолөнершілерінің қалыптасқан мектебі бар. Қандастар үшін атадан балаға мирас болып келе жатқан шеберлік дәстүрді жалғастыру басты мұрат.
Дулат Нуркин
