"Қазгидромет" РМК өкілдері Қазақстандағы ауа сапасына қатысты болжамын жариялады. Оған сәйкес, үш қаланың тұрғындарына ескерту жасалды, деп хабарлайды KAZ.NUR.KZ.

"Қазгидромет" ақпаратынша, 7 желтоқсанда Ақтөбе, Алматы, Жезқазған қалаларында қолайсыз метеорологиялық жағдайлар күтіледі.

Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал. Мамандар тұрғындарға қажетсіз жерде сыртқа шығуды шектеуді, денсаулығына көңіл бөлуге кеңес береді.

Мәтіннен қате тапсаңыз, бізге жазыңыз