Елордада AIF-2025 форумы өтіп жатыр.

Ол COVID пандемиясы қаржылық жүйенің осалдығын көрсетті деп отыр.

Руанда Республикасының Президенті Поль Кагаме Астана халықаралық форумында сөз сөйледі. Ол AIF-2025 форумына шақырғаны үшін Мемлекет басшысы Қасым-Жомарт Тоқаевқа алғысын білдірді, деп хабарлайды inbusiness.kz сайты.

"Қазақстанның гүлденуі – оның батыл көшбасшылығы мен бейімделгіштігінің және Қазақстан халқының батылдығының нәтижесі. Бұл форум өте керемет платформа болып отыр. Тек қана диалог үшін ғана емес, сонымен қатар прагматикалық ынтымақтастық үшін тиімді платформа. Қазіргі кезде әлем бөлініп, ыдырап жатқан заманда осы жылғы фокус жаһандық деңгейдегі сын-тегеуріндер бір-бірімен байланысты екенін көрсетіп отыр. Біздің әрекеттеріміз міндетті түрде бір-бірімен байланысты болуы керек. Бұл сыртқы саясатқа және халықаралық ынтымақтастыққа деген ұстанымымызды өзгертуді қажет етеді. Сыртқы одақтастармен бірігу ішкі серіктестікпен болуы керек. Ішкі серіктестік, ынтымақтастық және бейбітшілік болмаса, ол керісінше біздің осалдығымызды тереңдете түседі", — деді ол.

Айтуынша, адамдарға белгілі бір пайда әкелетін ресурстар бар. Бейбітшілік пен қауіпсіздік біз үшін аса маңызды, деді Руанда Президенті.

"Экономикалық бейімделгіштікті нығайту және өңірлік интеграцияны дамыту біз үшін аса маңызды. Халықаралық серіктестермен ынтымақтастықты жүргізу өзара құрметті дамытады және өзара тәуелдік емес, керісінше өзара құрметті нығайта түседі. Бұл қағидаттар жаһандық экономикаға өз үлесін қосады және оның қызмет ету сипатына әсер етеді. COVID пандемиясы біздің қаржылық жүйеміздің осалдығын көрсетті. Сол уақыттан бері көптеген дамушы елдер тұзаққа түсті. Бір жағынан қарыздары көбейіп жатыр, фискальды кеңістік кішірейіп, жалпы проблемалар көбейді", — деп айтты Поль Кагаме.