Күн райының бұзылуына орай еліміздің екі облысында маңызды тасжолдар жабылады. Шектеулер Ақмола мен Қарағанды облыстарына енгізілген, деп "ҚазАвтоЖолға" сілтеме жасаған KAZ.NUR.KZ хабарлайды.

5 желтоқсанда сағат 19:00-де ауа райының нашарлауына байланысты Ақмаола мен Қарағанды облыстарының республикалық автожолдарында жүк және қоғамдық көлік түрлерінің қозғалысына шектеу қойылады.

Ақмола облысы:

"Астана — Қарағанды — Алматы " автожолының 30-92 шақырым аралығындағы учаскесі (Жібек Жолы ақы алу пунктінен Қарағанды облысының шекарасына дейін);

Қарағанды облысы:

"Астана — Қарағанды — Алматы" автожолының 92-164 шақырым аралығындағы учаскесі (Ақмола облысының шекарасынан Теміртау ақы алу пунктіне дейін).

"ҚазАвтоЖол" ақпаратынша, жолды 6 желтоқсанда сағат 09:00-де ашу жоспарланған.

Жүргізушілерге 1403 байланыс орталығына хабарласып, тәулік бойы қосымша ақпарат алуға болады.

Мәтіннен қате тапсаңыз, бізге жазыңыз