Футболдан 2026 жылғы әлем чемпионатының жеребе тарту рәсімін Qazaqstan телеарнасы тікелей эфирде көрсетеді, деп хабарлайды ұлттық арнаға сілтеме жасаған KAZ.NUR.KZ.

5 желтоқсанда 22:00-де Вашингтондағы Джон Кеннеди орталығында футболдан 2026 жылғы әлем чемпионатының жеребе тарту рәсімі өтеді.

Канада, АҚШ және Мексика мемлекеттері бірлесіп қабылдайтын әлем біріншілігі 2026 жылғы 11 маусым мен 19 шілде аралығында өтеді.

Аладоп бәсекесінде 48 елдің командасы бақ сынайды. Чемпионат жаңа ереже бойынша ұйымдастырылады. Жеребе бойынша 4 командадан тұратын 12 топ жасақталады. Әр топтан бірінші және екінші орын алған командалар автоматты түрде плей-оффқа жолдама алады. Қалған 8 жолдама үшінші орын алған және ең көп ұпай жинаған ел құрамаларына бұйырады.

Айта кетейік, тарихта тұңғыш рет әлем чемпионаты бірден үш мемлекетте өткелі отыр.

Мәтіннен қате тапсаңыз, бізге жазыңыз