Павлодар облысының әкімі әпкесінің ұсталуына қатысты пікір білдірді
02.12.2025
Павлодар облысының әкімі Асайын Байхан әпкесінің жауапқа тартылуына қатысты ресми пікір білдірді.
Желіде шенеуніктің әпкесі мас күйде рульге отырғаны туралы ақпарат тарады. Осы ісі үшін ол жүргізуші куәлігінен 7 жылға айырылып, өзі 15 тәулікке қамауға алынды.
Осыған қатысты әкім былай деп пікір білдірді:
«Менің үлкен әпкемнің әкімшілік жауапкершілікке тартылуына қатысты мынаны айта аламын: барлық азамат заң алдында тең. Менің әпкем де, отбасымыздың басқа мүшелері сияқты, бұл қағидаттан тыс емес», – дейді Павлодар облысының әкімі.
