Астана полициясы ерекше балалардың ата-аналарына қатысты дөрекі пікір айтқан блогердің видеосы қоғамда үлкен резонанс тудырғанын хабарлады, деп жазады Zakon.kz.

Департаменттің баспасөз қызметі 2 желтоқсанда келесідей ресми ақпарат берді:

"Әлеуметтік желіде жарияланған, ерекше балалардың ата-аналарына қатысты қорлайтын және ұят сөздер айтылған блогердің видеосы бойынша әкімшілік іс қозғады. Блогер ұсталып, полиция бөліміне жеткізілді. Шағын құқық бұзушылық фактісі бойынша материалдар жинақталып, сотқа қарауға жіберіледі", – делінген хабарламада.

Посмотреть эту публикацию в Instagram

Публикация от Астана Қаласының Полиция Департаменті (@police__astana)

Астана полициясы интернетте қорлайтын материалдарды тарату заң бойынша жауапкершілікке тартылатынын ескертті.

"Азаматтарды контент жариялау кезінде жауапкершілік танытуға, басқа адамдардың құқықтары мен сезімдерін құрметтеуге, сондай-ақ қоғамдық мораль мен этика нормаларын сақтауға шақырамыз", – деді полиция.

Естеріңізге сала кетейік, бұған дейін Казнетте есту қабілеті бұзылған таксисті алдаған оқиға қоғамда резонанс тудырған еді. Сол жолаушы табылып, төлем жасатып, түсініктеме беруге мәжбүр болған.