Теннисші Зарина Диас Australian Open турниріне іріктеуден өтті
02.12.2025
Ел теннисшісі Зарина Диас 2026 жылғы Аустралия ашық чемпионатының негізгі кезеңінде бақ сынайды. Ол мұндай мүмкіндікке Қытайда өткен The Australian Open Asia-Pacific іріктеу турнирінде ие болды, деп жазады Egemen.kz.
Іріктеудің финалында Зарина Тайбэй өкілі Лян Эньшуомен кездесіп, 6:3, 6:4 есебімен сенімді жеңіске жетті.
Осылайша ол Australian Open турнирінің негізгі кезеңінде өнер көрсету үшін wild card жолдамасын қоржынына салды.
Айта кетейік, Зарина Australian Open жарысында 2014, 2015, 2020 және 2021 жылдары үшінші айналымға дейін жеткен.
