Оның бұл әрекеті адамдардың қауіпсіздігі мен жол қозғалысына едәуір қауіп төндірген.

Әлеуметтік желідегі видеодан ер адамның жүргізушіге агрессивті түрде тиіскенін байқауға болады, деп хабарлайды inbusiness.kz сайты.

Оқиға Алматы көшелерінде қатынайтын №15 автобус жүргізушісіне қатысты жасалған. Кейбір жолаушы қатты қорыққандықтан, автобустан жедел шығап кеткенді жөн көрген.

Түсірілім автобус тоқтағаннан кейін ғана басталған. Автобус тоқтаған соң шошыған жолаушылар сыртқа жүгіріп шыққан, ал жүргізуші мен шабуылдаушының жанжалы әрі қарай жалғасқан.

Жеке автобус депосының өкілі жағдайға түсініктеме беріп өтті.

– Жүргізуші жолаушының "Барлық" базары аялдамасында мініп, бірден агрессивті әрекет ете бастағанын түсіндірді. Жүргізушінің оған ешқандай шағымы жоқ және түсініктеме беруден бас тартты, – дейді автобус депосының аға диспетчері.

Агрессивті ер адамның жанжалдан соң келесі аялдамадан түсіп қалғаны белгілі болды.