Шерзат ісі: сотталушының адвокаты судьяны істен шеттетуді сұрады
28.05.2025
Талдықорғанда Шерзат Полаттың қазасына қатысты сот процесі жалғасып жатыр.
Бүгін сотталушы Абзал Шынасылдың адвокаты Жұмат Әбенов судья Ержан Жанұзақовқа қарсылық білдірді. Қорғаушы бейнежазба сараптамасының сәйкес келмеуіне байланысты сарапшыны сотқа шақырту керектігін айтқан болатын. Бірақ аталған ұсынысты судья қанағаттандырмады. Сол себепті ол сот төрағасына сенімсіздік білдіріп оны істен шеттетуді сұрады. Өтінішті Алматы облысының қылмыстық істер жөніндегі мамандандырылған сотының судьясы Асқарбек Бейімбетов қарап, негізсіз деп тапты.
