Бас көлік прокуратурасы Таиландтан есірткі заттарын жеткізіп, оларды Қазақстан аумағында таратқан студенттің ісі туралы мәлімет таратты.

Жерлесіміз сот үкімімен 15 жылға бас бостандығынан айырылды, деп жазады inbusiness.kz сайты.

Прокурорлардың айтуынша, оқуынан шеттетілген студентке қатысты аса ауыр қылмыс бойынша қозғалған іс сотта қаралған.

Ол Таиланд Корольдігінен Қазақстан Республикасына аса ірі мөлшерде есірткі заттарын жөнелтуге, сондай-ақ оларды қоғамдық орындарда «жасырып кету» әдісімен бірнеше рет өткізуге қатысты жасалған аса ауыр қылмыс бойынша айыпталған.