200-ден астам боксшы 15 түрлі салмақ дәрежесінде рингке шықты.

Алматы облысында бокстан еңбек ардагері Амангелді Бектасовты еске алуға арналған алғашқы ашық турнир аяқталып, 15 салмақ дәрежесіндегі мықты жасөспірім боксшылар анықталды.

Турнир халықаралық деңгейде өтіп, оған Қазақстаннан бөлек, Өзбекстан, Қырғызстан және Тәжікстаннан келген боксшылар да қатысты. Жасөспірімдердің жұдырықтасуына халықаралық және республикалық деңгейдегі төрешілер қазылық етті.

Бұл турнир спорт шебері, еңбек ардагері Амангелді Бектасовтың атын ұлықтауға және болашақ чемпиондарды қолдап, жасөспірімдерге жол көрсету мақсатында өтті. Ашық турнир 2010-2011 жылы туылған жасөспірімдер арасында ұйымдастырылды.

Төрт күнге созылған турнир қорытындысы бойынша келесі салмақ дәрежелерінде мықты боксшылар анықталды:

• 42 келі: Ерасыл Мәуліт (Алматы облысы Қарасай ауданы);
• 44 келі: Одина Сафарализада (Тәжікстан);
• 46 келі: Алан Шакиров (Қырғызстан)
• 48 келі: Тамирлан Сман (Алматы облысы);
• 50 келі: Бекарыс Сәбитов (Алматы облысы);
• 52 келі: Нұрмұхаммед Сағынтай (Қарасай ауданы);
• 54 келі: Дінмұхаммед Медеубеу (Алматы облысы);
• 57 келі: Амиршон Надиров (Тәжікстан);
• 60 келі: Ильхам Иманжанов (Алматы);
• 63 келі: Бахыт Мавленбеков (Өзбекстан);
• 66 келі: Абдурахим Шарипов (Тәжікстан);
• 70 келі: Жайық Мүслім (Алматы облысы);
• 75 келі: Ерасыл Рыскелді (Алматы);
• 80 келі: Амир Оспанов (Қарасай ауданы);
• + 80 келі: Нұрдәулет Сәкен (Алматы облысы).

Сондай-ақ, 50 келі салмақта топ жарған Бекарыс Сәбитов турнирдің үздік боксшысы атанып, қосымша бағалы марапатқа ие болды.

Турнирдің бас ұйымдастырушысы Жеңіс Бектасовтың айтуынша, бұл бәсеке дәстүрлі турнирге айналып, күнтізбелік жарыстар қатарына қосылады.

"Төрт күн бойы біз екі жүзге жуық боксшының тартысты, әдемі айқастарына куә болдық. Төрешілер шын мықтыны анықтап, чемпиондық белбеу мен жүлделерін табыстадық. Бұйырса, бұл бәсекені дәстүрлі турнирге айналдыратын жоспарымыз бар. Әкеміз аз ғұмыр кешсе де, қазақ боксының шын шебері, шынайы жанкүйері болған. Оның арманы – қазақ боксшыларын биіктен көру еді. Біз енді сол арманды жалғап, қазақ балаларының бокстан әлем, Олимпиада чемпионы болуына қолдан келгенше үлес қосқымыз келеді", – дейді Жеңіс Амангелдіұлы.

Оқи отырыңыз:

Алматы облысында бокстан жасөспірімдер арасында халықаралық турнир басталды