Павлодар облысында "Богатырь көмір" ЖШС-ның қаржысын жымқыру дерегі бойынша соталды тергеп-тексеру жүргізіліп жатыр, — деп хабарлайды Massaget.kz тілшісі.

Схема қалай жүзеге асқан?

Бірқатар коммерциялық компания басшылары бұрын пайдаланылған қосалқы бөлшектерді кәсіпорынға жаңа өнім ретінде жеткізу схемасын ұйымдастырған.

"Схеманы іске асыру үшін "Богатырь көмір" ЖШС-ның тауар мен материалдарды қабылдауға жауапты қызметкері тартылған. Ол талаптарға сәйкес келмейтін бөлшектерді еш кедергісіз қабылдаған. Екі жыл бойы жалған сертификаттар бойынша реакторлар, цилиндр блоктары, автотіркемелер және тежегіш жүйелерінің бөлшектері жаңа өнім ретінде жеткізіліп отырған", — деп жазылған хабарламада.

Осылайша "Богатырь көмір" ЖШС-ға 123 млн теңге көлемінде залал келген. Қылмыстық жолмен келген қаражат ЖШС мен жеке кәсіпкерлер арқылы қолма-қол ақшаға айналдырылған.

Күдіктілер туралы

Тінту барысында күдіктілерден 27 млн теңге көлемінде қолма-қол ақша тәркіленді. Сот санкциясымен күдіктілердің 6 көлігіне, соның ішінде Cadillac Escalade, Range Rover, Toyota Land Cruiser 250 көліктеріне тыйым салынды.

Үш күдікті қамауға алынды.

Instagram парақшамызға жазылып, ең қызықты ақпараттарды бірінші болып оқыңыз!