Оның айтуынша, Париж келісімінде бекітілген 1,5°C жаһандық жылыну шегі қайта қарауға жатайды.

Бразилияда өткен КС-30 климат конференциясында БҰҰ басшысы Антониу Гутерриш қазба отын түрлерінен бас тартып, жаңартылатын энергия көздеріне көшуге, сондай-ақ климаттық өзгерістерге бейімделу шараларын қаржыландыруға үндеді. Бұл туралы БҰҰ сайтында жазылған.

Антониу Гутерриштің айтуынша, көптеген әлем елдері бұл мәселеге келгенде батыл шешімдер қабылдай алмай отыр.

"Әлем қазір адамдардың амандығы мен пайдасының арасында таңдау жасаудың алдында тұр. Бұл ретте ғылымға сүйене отырып, біріншісін таңдау қажет. Климаттық өзгерістерге бейімделу шараларын үш есе арттыруымыз керек. Өйткені, миллиондаған адамдарға егін егетін жерін біржола жоғалтып, аш қалу қаупі туып отыр", – деді Антониу Гутерриш.

Сондай-ақ, ол Париж келісімінде бекітілген 1,5°C жаһандық жылыну шегі қайта қарауға жатпайтын "қызыл сызық" екенін еске салды. БҰҰ басшысы қазба отыннан жаңартылатын энергия көздеріне көшу әділ әрі дәйекті болуы тиіс екенін тағы да атап өтті.

Оқи отырыңыз:

• БҰҰ Азық-түлік ұйымы Қазақстанда балалар тағамдарын қайта қарауды ұсынды
• Әлемде қылмыс құрбандарының саны соғыс пен әскери қақтығыс құрбандарынан кем емес – БҰҰ