Еркін күрестен төрт дүркін әлем чемпионы Салман Хасимиков өмірден өтті, деп хабарлайды Skifnews.kz ақпарат порталы.
ТАСС мәліметінше, балуан 72 жасына қараған шағында Мәскеуде қайтыс болған. Суыт хабарды жақындары мәлім етті. Олардың айтуынша, Хасимиков сәрсенбі, 28 мамыр күні таңертең көз жұмған.
Айта кетейік, Салман Хасимиков 1953 жылы Қызылордада дүниеге келген. Ұлты — шешен. Оның отбасы 1940-жылдары Қазақстанға жер аударылған. Төрт жасқа толғанда, отбасы тарихи отанына қайта оралған.
Спортшы – ауыр салмақта еркін күрестен КСРО-ның, Еуропа мен әлемнің бірнеше дүркін чемпионы, 1982 жылғы Әлем кубогының иегері, IWGP Халықаралық Гран-при чемпионы. КСРО-ның еңбек сіңірген спорт шебері.
