11 қарашада Талғарда өткен сотта Хасан Қасымбаев сотталушылар орындығындағы пластик терезені сындырды. Оның әрекетін полиция тексеріп жатыр, — деп хабарлайды Massaget.kz тілшісі.

Алматы облысы Полиция департаменті бұл дерек аудандық полиция бөлімінде тіркелгенін хабарлады.

"Тексерістер жүргізіліп жатыр. Олардың нәтижесі бойынша қолданыстағы заңнамаға сәйкес шешім қабылданады", — деп жазылған жауапта.

Сонымен қатар, полиция Талғар аудандық соты тарапынан бұл оқиғаға байланысты ешқандай шағым түспегенін мәлімдеді.

Еске салайық, бұған дейін сотталған Хасан Қасымбаевтың туысы терезені қалпына келтіргені хабарланды.

Мәліметке сүйенсек, сол күні Қасымбаев пен басқа да сотталушылар сот залында журналистер болуына наразылық танытқан. Осыдан кейін сот қызметкерлері журналистер мен операторларды бірден залдан шығарған.

Аптаның басты оқиғалары мен пайдалы видеоларды көру үшін YouTube арнамызға жазылыңыз