11 қарашада Талғарда өткен сотта Хасан Қасымбаев сотталушылар орындығындағы пластик терезені сындырды. Сотталған Хасан Қасымбаевтың туысы терезені қалпына келтірген, — деп хабарлайды Massaget.kz тілшісі.

Алматы облысының Сот әкімшілігі департаменті жағдайға пікір білдірді.

"Талғар аудандық сотында сотталушының кабинасындағы бүлінген пластик терезені сотталған Хасан Қасымбаевтың туысы тез арада қалпына келтірді. Сот отырысы барысында қауіпсіздік шаралары қабылданды", — деді департамент өкілі.

Мәліметке сүйенсек, сол күні Қасымбаев пен басқа да сотталушылар сот залында журналистер болуына наразылық танытқан. Осыдан кейін сот қызметкерлері журналистер мен операторларды бірден залдан шығарған.

Еске салайық, 11 қарашада Алматы облысы Талғар ауданы сотында Хасан Қасымбаевқа сот үкімі шықты. Ол 12 жылға бас бостандығынан айырылды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!