Қазақстан Республикасының Еңбек және халықты әлеуметтік қорғау министрі Светлана Жақыпова қазақстандықтарға зейнетақы мен әлеуметтік төлемдердің қашан өсетіні жөнінде сұраққа жауап берді, — деп хабарлайды Massaget .kz тілшісі.

Министрдің айтуынша, қазіргі уақытта мемлекет өзіне алған барлық әлеуметтік міндеттемелерді орындап отыр.

"(Екінші жартыжылдықта – ред.) қосымша өсім болмайды. Индексация жылдың басында өтті, 1 қаңтардан бастап барлық азаматтар арттырылған мөлшерде төлем алып жатыр", – деді Жақыпова.

Келесі өсім қашан болатынын біз нақтылап сұрадық.

"Келесі рет төлемдер 2026 жылы өседі. 2025 жылдың екінші жартысында әзірге өсім қарастырылып отырған жоқ", – деп жауап берді министр.

Өзекті жаңалықтарды өз уақытында оқу үшін Facebook парақшамызға жазылыңыз!