Бесқарағай ауданы Жыланды ауылының тұрғындары жер үйдің ауласынан кішкентай сілеусінді байқап, бірден «Семей орманы» резерватының мамандарына хабар берген.

Олар жыртқышты ұстап, тексергеннен кейін Биологиялық орталыққа жеткізді. Мамандардың айтуынша сілеусін анасынан адасып қалған болуы мүмкін. Сосын тамақ іздеп ауылға кіргенге ұқсайды. Қазір жағдайы жақсы. Жаңа ортаға біртіндеп үйреніп келеді. Енді кішкентай сілеусін орталықтың қамқорлығында болады.

Юлия Миршанова, биология бөлімінің меңгерушісі:

- Табиғатта сілеусінді анасы бес айлығынан бастап өз бетінше өмір сүруге баулиды. Ал бұл кішкентай жыртқыш адасып қалған болуы мүмкін. Сондықтан табиғатқа жіберсек, тіршілік ете алмайды. Қазір біз күтіп, тамақтандырып жатырмыз. Бұдан кейін еркін өмірге қайта үйренуі де қиын. Көктемде табиғатқа өз бетінше жібере салу қауіпті. Сондықтан ең дұрыс шешім орталықта қалдырған жөн.