Юлия Путинцева мен Анна Данилина 27 мамыр күні Roland Garros турнирінде сәтті өнер көрсетті.

Жекелей сында әлемнің 31-ракеткасы Юлия Путинцева алғашқы айналымда аргентиналық Солана Сьерраны (WTA рейтингінде 110-орында) 7:6, 6:2 есебімен жеңді. Кездесу 1 сағат 39 минутқа созылды. Келесі кезеңде Путинцева тайвандық Джоанна Гарлендтпен (175-орын) кездеседі.

Жұптық сында Анна Данилина сербиялық Александра Круничпен бірге екінші айналымға жолдама алды. Алғашқы матчта олар польшалық-америкалық жұп — Магда Линетт / Бернарда Пераны 6:7, 6:1, 6:4 есебімен жеңді. Кездесу 2 сағат 27 минутқа созылды.

Бүгін, 28 мамыр күні, қазақстандық теннисші Елена Рыбакина (WTA рейтингінде 11-орын) "Ролан Гаррос" турнирінің екінші айналымында америкалық Ива Йовичпен (129-орын) кездеседі.