Қылмыстық іс қозғалды.

Желіде Екібастұздағы түзету орталықтарының бірінде дене шынықтыру сабағында баланың жарақат алғаны туралы бейнежазба тарады. Қыздың қолына гипс салынған, деп хабарлайды inbusiness.kz сайты.

Желіде тараған кадрлардан ер адамның баланы қолынан қатты тартып жатқанын, кейін қыз қолын ұстап тұрғанын көруге болады. Осыған қарамастан нұсқаушы сабақты жалғастырған.

"Осының бәрі камера алдында болып отыр. Нұсқаушы залда камералар тұрғанын түсінгенімен, бірақ қызға қатыгездікпен қараған. Бұл нені білдіреді? Бұл оның осындай алғашқы әрекеті емес. Ол бұрын да мұндай әрекетке жол берген, жазасыз қалып, әдетке айналдырғанын көрсетеді. Бұған дейінгі сабақтарда не болғанын елестетудің өзі қорқынышты. Кішкентай бала 30 минуттық сабақ бойы қорқыныш сезінді. Бала осыны ата-анасына айтып бере алмайтынын білген нұсқаушы қатыгез әрекетке барды", – деді публикация авторы.

Павлодар облысы полиция департаментінің хабарлауынша, полиция алдын ала тергеуді бастады.