Бүгін , 28 қазан күні таңертең Ақтаудағы тұрғын үйдің жертөлесінде газ баллон жарылып, бес адам ауруханаға түсті.

Маңғыстау облысы Төтенше жағдайлар департаментінің мәліметіне сүйенсек, газ баллоны бүгін 28 қазан күні, таңғы сағат 09:03-те жарылған.

«Әсия» тұрғын үй кешеніндегі жертөледе баллон жарылған. Оқиға орнына 11 құтқарушы мен 4 техника келді», – деп хабарлайды Маңғыстау облысының ТЖД.

Ал, облыстық денсаулық сақтау басқармасының мәліметіне сүйенсек, жарылыстан бес адам жараланған. Олардың екеуі – бала.

«2010 жылы және 2015 жылы туған екі бала ауруханаға түсті», – деп хабарлайды басқарма.

Жараланғанлардың денсаулығына қатысты әзірге ақпарат жоқ.