Құқық қорғау органдары алматылықтарға жолға алдын ала жоспар жасап шығуды ұсынды.

Алматыда 26 қазан күні өтетін "Қайрат" – "Астана" футбол матчы кезінде қала орталығындағы көлік қозғалысына уақытша шектеу енгізіледі, деп хабарлайды қалалық полиция департаментінің баспасөз қызметі.

Полицияның мәліметінше, 12:00–18:00 аралығында Сәтпаев көшесі Байтұрсынов көшесінен Байзақов көшесіне дейін екі бағытта да (шығыс-батыс) жабылады.

"Полиция Алматы тұрғындары мен қонақтарын қабылданып жатқан шараларға түсіністікпен қарауға шақырады", – делінген хабарламада.

Мұндай шектеу орталық стадионда өтетін матч кезінде қауіпсіздікті қамтамасыз ету мақсатында енгізілген.