Қала әкімдігі тұрғындар мен қонақтарға ресми хабарлама жариялады.

Ақтөбеде адам өлімімен аяқталған жол апатына байланысты қаладағы мерекелік шаралар тоқтатылды, деп хабарлайды inbusiness.kz сайты.

"Құрметті қала тұрғындары мен қонақтары! 25 қазан күні сағат 19:00-де "Қазақ халқына мың алғыс" алаңында өтуі жоспарланған гала-концерт пен отшашу өңірде орын алған жағдайға байланысты өтпейтіндігін хабарлаймыз", – делінген хабарламада.

Еске салайық, қайғылы оқиға 23 қазанда Самара – Шымкент тас жолының Белқопа ауылы маңында болған. DAF жүк көлігі мен жолаушылар тасымалдаған "ГАЗель" көлігі соқтығысып, салдарынан12 адам қаза тапқан.