"Туысынан жүкті болып қалды": полиция оқушы қыздың ісіне қатысты тың деректерді жариялады

22.10.2025

Түркістан облысының Полиция департаменті Келес ауданындағы 16 жастағы қызға қатысты іс бойынша тың деректерді жария етті, деп хабарлайды KAZ.NUR.KZ ведомствоның баспасөз қызметіне сілтеме жасап.

Полиция департаментінің мәліметіне сүйенсек, оқушының жүкті екені 2025 жылы қыста Астанада медициналық мекемелердің бірінде анықталып, кейін босанған.

"Осы факт бойынша анасы және қыздың өзі жас жігітімен өзара келісім бойынша байланыста болғанын айтып, тергеуді жаңылыстырғаны анықталды. Осылайша олар арыз жазудан және сараптама жүргізуден бас тартқан.

Алайда биыл 12 қазанда жәбірленушінің анасы күдікті ретінде 70 жастағы туысына қатысты арыз түсіріп, құқық қорғау органдарына жүгінді. Осы факті бойынша Түркістан облысы ПД Келес аудандық полиция бөлімі шұғыл қылмыстық іс қозғап, кәмелетке толмағандарға қатысты құқыққа қайшы әрекеттер фактісі бойынша сотқа дейінгі тергеуді бастады. Күдікті қамауға алынды", — делінген хабарламада.

Қазіргі уақытта тергеу жүріп жатыр. Тергеу әрекеттерінің барысы Түркістан облысы Полиция департаменті басшылығының қатаң бақылауында.

Полиция Қылмыстық кодекстің 201-бабына сәйкес тергеу мүддесіндегі өзге де ақпаратты жариялаған жоқ.

Мәтіннен қате тапсаңыз, бізге жазыңыз

Latest to this topic: