Жетісу облысы Кербұлақ ауданының тұрғыны үйінде заңсыз сұңқар ұстаған. Полицейлер құстарды еркіндікке жіберді, деп хабарлайды KAZ.NUR.KZ Ішкі істер министрлігінің polisia.kz ақпараттық медиа-порталына сілтеме жасап.

Басылым мәліметінше, Жетісу облыстық криминалдық полиция басқармасының қызметкерлері "Браконьер" жедел-профилактикалық іс-шарасы аясында сәтті операция жүргізді.

Нәтижесінде Кербұлақ ауданының тұрғыны ұсталды. Ол өз үйінде екі сұңқар мен қолдан жасалған ау ұстағыш торды заңсыз сақтап келген.

Сұңқар – еркіндіктің, биіктіктің және кең даланың символы. Алайда бұл айбынды құстар да кейде адам құрбанына айналады. Жақында полиция қызметкерлерінің жедел әрі кәсіби жұмысының арқасында заңсыз ұсталған сұңқарлар босатылды.

Мәтіннен қате тапсаңыз, бізге жазыңыз