Бүгін УЕФА Чемпиондар лигасының топтық кезеңінің үшінші туры аясында алматылық "Қайрат" пен кипрлық "Пафос" матч өткізді. Кездесуде жеңімпаз анықталмады, екі команда тең түсті, деп хабарлайды KAZ.NUR.KZ.

"Қайрат" пен "Пафос" арасындағы матч Алматының Орталық стадионында өтті. Ойын кезінде қауіпті сәттер көп болғанымен, кездесу тең есеппен аяқталды (0:0).

Кипрлық команда матчты қызыл қағазбен бастады. Ойынның төртінші минутында жартылай қорғаушы Жоау Корреа "Қайраттың" футболшысы Луиш Матаға қарсы фол жасап, алаңнан қуылды. Алайда алматылық команда ойыншылар саны бойынша басымдықты сәтті пайдалана алмады.

Кездесудің 72-минутында қонақтар "Қайрат" қақпасына гол соқты. Алайда төреші офсайд тіркеп, голды есепке алмады.

Бірнеше минуттан кейін алматылық клубтың жартылай қорғаушысы Офри Арад қауіпті соққы жасап, доп қақпаның бағасына тиді.

Матч соңында төреші 0:0 тең есепті тіркеді. Бұл нәтиженің арқасында "Қайрат" Чемпиондар лигасындағы алғашқы ұпайына ие болды. Алматылықтар бір балмен 36-орыннан 33-ке көтерілді.

Мәтіннен қате тапсаңыз, бізге жазыңыз