
Air Astana әуекомпаниясы 2026 жылғы наурызда Токио мен Алматы арасында тікелей әуе рейсін ашуды жоспарлап отыр. Бұл туралы Алматы әкімдігіне сілтеме жасаған KAZ.NUR.KZ хабарлайды.
Ведомствоның мәліметінше, екі ел арасында тікелей әуе рейсінің ашылуына орай Алматыда қазақстандық туристік индустрия өкілдерімен және Жапонияның ең ірі туроператорларымен кездесу өткен.
Кездесуге мәдени, табиғи, премиум және MICE бағыттарында жұмыс істейтін Токионың 10 ірі туроператоры қатысқан.
B2B форматындағы кездесу барысында тараптар бірлескен бағдарламаларды жүзеге асыру, туристік өнімдерді дамыту және Алматыны "жапон саяхатшылары үшін шығыстың баурап алатын жаңа орталығы" ретінде қалыптастыру мүмкіндіктерін талқыланған.
Алдын ала болжамға сәйкес, Алматы-Токио тікелей әуе рейсі іске қосылған соң Қазақстанға алғашқы жылы Жапониядан 5-7 мыңға дейін турист келуі мүмкін.
Бұл бағыт екі ел арасындағы сапарды жеңілдетіп, туристердің саяхаттауына тың серпін бермек.
Мәтіннен қате тапсаңыз, бізге жазыңыз