Қазіргі уақытта АҚШ президентінің алдағы сапары жан-жақты әрі құпия талқылап жатыр.
Дональд Трамп Азияға сапарында Ким Чен Ынмен немесе Си Цзиньпинмен жолығуы әбден мүмкін, деп хабарлайды inbusiness.kz сайты.
CNN жазуынша, Америка көшбасшысы Солтүстік Корея диктаторыымен 2019 жылы кездескен еді, десе де бұл жолы жағдай өте күрделі. Өйткені, Вашингтон мен Пхеньян арасында Трамптың бірінші президенттік мерзімі уақытындағыдай ресми байланыстар болмады.
Ақ үй Азияға сапары кезінде АҚШ президенті Дональд Трамп пен Солтүстік Корея диктаторы Ким Чен Ынның кездесуін ұйымдастыруды жеке талқылаған. Дегенмен, инсайдерлер мен сарапшылар Трамп ең соңында Киммен емес, Си Цзиньпинмен кездеседі деп жорамалдайды. Оған негіз бар.
Еске салайық, Трамптың жыл басында Солтүстік Корея басшысына жіберген алғашқы өтініші жауапсыз қалған болатын, себебі солтүстік кореялықтар хатты қабылдамады.
Кеше Қытайдың АҚШ-ты қатаң айыптағанын жазған едік. Оның алдында Трамптың өзі қос ел арасында сауда соғысы басталып кеткенін растады. Сол себепті, алдағы сапар барысында Ақ үй АҚШ пен Қытай арасындағы жағдайды реттеуге тырысып, Қытай көшбасшысы Си Цзиньпинмен кездесуді ұйымдастыруға көп көңіл бөлуі әбден мүмкін.
