Семей қаласында бокстан Қазақстан чемпионаты өтіп жатыр .

Бұл туралы Caravan.kz медиа порталы хабарлайды.

Ел біріншілігінде 90 келі салмақ дәрежесінде өнер көрсеткен Темірлан Мұқатаев ширек финалда қарсыласы Оңталап Рахмановқа есе жіберіп, жүлдеге бір қадам жетпей жарысты аяқтады.

Спортшы әлеуметтік желідегі парақшасында жанкүйерлерінен кешірім сұрап, ешкімге өкпесі жоқ екенін айтты.

“Ия, ұтылдым, қателестім. Ия, қолымды көтермеді. Бұл өмір, бұл бокс. Ия, үміт ақталмады. Соңғы 6 жылда Қазақстандағы өкінішті сәтім. Жұмыс сондай. Барлық мықтылар чемпион емес. Барлық әлсіздер, тұғырсыз емес. Ұтсаң — қалаулы, ұтылсаң — жарамсыз (неге қазақ сондаймыз). Сенген жандардан кешірім сұраймын. Ешкімге еш өкпем жоқ. Аяғым шалынсада, жүрегім соғулы. Келесі чемпиондық белестерде жолыққанша. Қазағым. ЧРК 2025!” — деп жазды ол.

Еске сала кетейік, Темірлан Мұқатаев Бангкокта (Таиланд) өткен U22 санатындағы Азия чемпионатының финалында өзбекстандық Шахзод Полвоновты тізе бүктіріп, алтын медальға қол жеткізген еді.