Каникул мерзімі ресми 7 күн болса, демалыс күндерін қоса алғанда оқушылар сабаққа 9 күн бармайды.

Қазақстандық мектептерде бірінші тоқсан аяқталып жатыр, күзгі каникул кезеңі 2025 жылғы 27 қазанда басталып, 2 қарашаны қоса алғанда жеті күнге созылады, деп хабарлады Оқу-ағарту министрлігі.

Мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында "Адал азамат" біртұтас тәрбие бағдарламасы аясында іс-шаралар жоспары ұсынылады.

Жоспар патриотизм, әділеттілік және жауапкершілік сияқты құндылықтарды дамытуға бағытталған іс-шараларды қамтиды:

• "Балалар кітапханасы" жобасын іске асыру шеңберінде "Демалыста кітап оқимыз" іс-шарасы;
• "Буллингтен қорған!" қауіпсіздік сабағы;
• "Мектеп театрының" жұмысын ұйымдастыру ұсынылады.

"Ең бастысы, балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алу іс-шараларына, мектептің ішкі тәртібін сақтау, балалардың көшеде қауіпсіздігі, үйдегі өрт қауіпсіздігі және киберқауіпсіздік шараларына ерекше назар аудару қажет", – делінген министрліктің хабарламасында.

Оқи отырыңыз:

• Абайдың "Толық адам" тұжырымдамасы: Қанша мектеп қамтылды
• Енді мектептегі қыздарды акушер-гинекологтар тексеруі мүмкін