Зеленский Трамп пен Путиннің Мажарстандағы кездесуіне қосылуға ниетті

20.10.2025

Бұл туралы Зеленский NBC News-ке берген сұхбатында айтқан .

Украина президенті Владимир Зеленский АҚШ пен Ресей басшыларының Будапештте өтетін кездесуіне қосылуға ниетті екенін білдірді, деп хабарлайды inbusiness.kz сайты DW агенттігіне сілтеме жасап.

"Мен дайынмын. АҚШ президенті Дональд Трампқа айттым", – деді Зеленский NBC News журналисінің сауалына берген жауабында.

Оның айтуынша, әділ бейбітшілікке қол жеткізу үшін барлық тарап қатысуы тиіс.

"Біздің қатысуымызсыз қандай да бір келісімдер жасалуы мүмкін бе?", – деді Украина басшысы.

БАҚ өкілдері Украина президентінен соғысты тоқтату үшін ел аумағының бір бөлігінен бас тартуға дайын ба деп нақтылады.

"Біз бұл соғысты тоқтатып, бейбіт келіссөздерге дипломатиялық жолмен жеткіміз келсе, онда біз қазір тұрған жерімізде қалуымыз керек. Путинге қосымша бірдеңе берудің қажеті жоқ", – деп атап өтті Владимир Зеленский.

Украина басшысының сөзінше, бүгінде Украина жеңіліп жатқан жоқ, Ресейдің де жеңіп жатқаны шамалы. Зеленский Мәскеудің әуе шабуылдарын үдеткенін баса айтты.

Айта кету керек, бұған дейін шетелдік БАҚ Трамптың Зеленскийге Донбассты Ресейге беруді ұсынғанын жазған болатын. АҚШ пен Ресей президенттері Қазақстанға бауырлас елде кездесетін болды.

Related to this topic:

Latest to this topic: