Мемлекет басшысы Қасым-Жомарт Тоқаев "Қазақстан барысы – 2025" турнирінің жеңімпазын құттықтады. Бұл туралы Ақордаға сілтеме жасаған KAZ.NUR.KZ хабарлайды.

"Марат Байқамұровты қазақ күресінен "Қазақстан барысы – 2025" турниріндегі жарқын жеңісімен құттықтаймын! Ол тамаша өнер көрсетіп, жанкүйерлер көңілінен шықты. Мемлекет қазақ күресінің дамуына алдағы уақытта да қолдау көрсете береді", — делінген хабарламада.

Айта кетейік, кеше Астанадағы "Жақсылық Үшкемпіров атындағы жекпе-жек сарайында" қазақ күресінен ХV республикалық «Қазақстан барысы» турнирінің жеңімпазы анықталды.

Ақтық сында Марат Байқамыров пен Ерасыл Қажыбаев белдесті. М.Байқамыров қарсыласынан айласын асырып, жеңісті қанжығасына байлады. Жарыстың қорытындысы бойынша Марат Байқамұров алтын, Ерасыл Қажыбаев күміс, Нұрдәулет Жарылғапов қола жүлдеге ие болды.

Мәтіннен қате тапсаңыз, бізге жазыңыз