18 қазанда елордадағы LRT электрмен жабдықтау жүйесінің жабдықтарына тұрақты кернеу беріледі, деп хабарлайды KAZ.NUR.KZ CTS компаниясына сілтеме жасап.

Компания мәліметінше, LRT электр қуатына бүгін сағат таңғы оннан бастап қосылмақ.

"18 қазан сағат 10:00-ден бастап №109–№111 станциялар аралығындағы учаскеде LRT электрмен жабдықтау жүйесінің жабдықтарына тұрақты кернеу беріледі. Максималды кернеу деңгейі – 20 000 В (жоғары кернеу)", — делінген компанияның ресми хабарламасында.

CTS өкілдері құрылыспен айналысатын ұйымдар мен тұрғындарды қауіпсіздік шараларын сақтауға шақырды.

"Рельстерге, кабель желілеріне және құрал жабдықтарға жақындамаңыз. Рұқсатсыз станция аумағына және жол аймағына кірмеңіз", — дейді сақтық шараларын ұсынған компания өкілдері.

Мәтіннен қате тапсаңыз, бізге жазыңыз