Оқу-ағарту министрлігіне қарасты балалардың құқықтарын қорғау комитеті Қызылордада оқушының соққыға жығылуына қатысты пікір білдірді. Ведомство өкілдері күш көрсеткен жасқспірімдерге қандай шара қолданылғанын айтты, деп хабарлайды KAZ.NUR.KZ.

Бүгін Қызылорда тұрғыны ұлын мектеп дәретханасында бір топ жасөспірім соғып кеткенін хабарлағанын еді. 10-сынып оқушысының миы шайқалып, жақ сүйегі мен мұрны сынды.

Балалардың құқықтарын қорғау комитенінің өкілдері оқиғаға қатысты пікір білдіріп, жасөспірімнің жағдайы туралы айтты.

"Қазіргі уақытта бала ем қабылдап жатыр, жағдайы қалыпты. Комитет зардап шеккен оқушының анасымен хабарласты. Отбасыға психологиялық және заңды көмек ұсынылды. Оқиға бойынша қылмыстық іс қозғалып, сот-медициналық сараптама тағайындалды", — делінген ресми хабарламада.

Комитеттің ақпаратына сәйкес, мектепте профилактикалық кеңестің отырысы өтті.

"Жасөспірімді соққыға жыққан оқушылар қалалық полиция департаментінің есебіне және мектеп ішіндені профилактикалық есепке алынды. Бұл мектепте білім басқармасының мамандары, құқыққорғау органдарының қызметкерлері мен психологтардың қатысуымен "Заң және тәртіп" бойынша профилактикалық жұмыс жүргізіледі", — деді комитет өкілдері.

Мәтіннен қате тапсаңыз, бізге жазыңыз