Туризм және спорт министрлігі және Қазақстан футбол федерациясы республикалық және өңірлік инвесторлармен келіссөз жүргізіп жатыр.

Үкімет басшысы Олжас Бектенов мәжіліс депутаттарының сауалына берген жауабында қазақстандық футбол клубтарын жекешелендіріп алуға ниет білдірген компаниялар мен кәсіпкерлерді атады.

Айталық:

• "Орталық Азия отын-энергетикалық компаниясы" АҚ (Сергей Кан) "Қызыл-Жар" футбол клубын сатып алуды;
• Freedom Finance (Тимур Турлов) "Шахтер" футбол клубы үшін стадион мен футбол академиясын салуды;
• Kaspi Group (Михаил Ломтадзе) "Жеңіс" футбол клубын сатып алуды және Астанада футбол инфрақұрылымын салуды;
• қызылордалық "TAU GROUP LTD" (Ислам Козбаков) "Қайсар" футбол клубын сатып алуды жоспарлап отыр.

"Сонымен қатар, "Тараз" ФК, "Елімай" ФК және "Иртыш" футбол клубтарына қызығушылық танытқан инвесторлармен кездесулер жүргізілді. Мемлекет басшысының халыққа Жолдауында футбол клубтарын жекешелендіру бойынша берілген тапсырманы орындау мақсатында Қазақстан Республикасы Үкіметінің 2020 жылғы 29 желтоқсандағы № 908 қаулысымен бекітілген Жекешелендірудің 2021-2025 жылдарға арналған кешенді жоспары жаңартылуда", – деді Олжас Бектенов.

Оқи отырыңыз:

• "Қайрат" қақпашысы Шерхан Қалмұрза ректор грантына ие болды
• "Реалдың" шабуылына қарсы тұрған 18 жастағы Шерхан Қалмырза туралы не білеміз