Кеше матч уақытында "Хан Тәңірі" футбол клубының ойыншысы Диас Төлеу қайтыс болды. Алматы қалалық Қоғамдық денсаулық сақтау басқармасы өкілі қайғылы жағдайға қатысты пікір білдірді, — деп хабарлайды Massaget.kz тілшісі.

Басқарма мәліметінше, орталық қалалық клиникалық аурухананың қабылдау бөлімшесіне 2006 жылы туған науқас клиникалық өлім жағдайында жеткізілген.

"Оны оқиға орнында кезекшілік атқарған жеке медициналық жедел жәрдем бригадасы алып келді. Қабылдау кезінде науқастың тамыр соғысы мен артериялық қысымы болмаған, қарашықтары кеңейген. Медициналық бригада 30 минут бойы жансақтау шараларын жүргізгенімен, барлық қолданылған шараға қарамастан, биологиялық өлім тіркелді", — деп жазылған хабарламада.

Марқұмның сүйегі өлімнің нақты себебін анықтау үшін сот-медициналық сараптамаға жіберілген.

Instagram парақшамызға жазылып, ең қызықты ақпараттарды бірінші болып оқыңыз!