Әлеуметтік желіде Қаскеленде жас қызды өлтіріп кеткені туралы ақпарат тарады. Алматы облысының полиция департаменті адам өлтіру дерегі бойынша қылмыстық іс қозғалғанын хабарлады, деп жазады KAZ.NUR.KZ.

Желі қолданушылары жантүршігерлік жағдай туралы пікір қалдырып жатыр.

"Масқара! Қаскелендегі қандай көше бұл?", "Бұл рас ақпарат. Қылмыс көршілес көшеде орын алды. Жағдайдың мән-жайын білмеймін. Бірақ көршілер жігіті өлтіріп кетті деп жатыр. Бойжеткен 21 жаста болған", "Байқұс ана. Қайғыра көңіл айтамыз, мықты болыңыз", — деп жазуда көпшілік.

Алматы облысы полиция департаментінің өкілдері оқиғаға қатысты ресми түсініктеме берді.

"Адам өлтіру дерегі бойынша қылмыстық іс қозғалды. Полиция қызметкерлері жүргізген жедел-іздестіру шаралары нәтижесінде 20 жастағы күдікті анықталып, ұсталып, полиция бөлімшесіне жеткізілді. Ол жасаған қылмысқа қатысы барын мойындады. Қазір оқиғаға байланысты барлық мән-жайды жан-жақты, толық және объективті анықтау мақсатында тергеу амалдары жүргізіліп жатыр", — деп хабарлады полиция.

Күдікті уақытша ұстау изоляторына қамауға алынды.

Мәтіннен қате тапсаңыз, бізге жазыңыз