Жаңа жоба " Салман патша қақпасы" деген атауды иеленді.

Сауд Арабиясының тақ мұрагері, ханзада Мұхаммед бин Салман бин Абдулазиз Әл Сауд Мекке қаласында аса ауқымды "Салман патша қақпасы" жобасы іске қосылғанын хабарлады.

Жоба аясында Әл-Харам мешітіне іргелес жерде жалпы аумағы 12 миллион шаршы метрге дейінгі ғимараттар кешені бой көтереді. Сәйкесінше, қажылар мен қала қонақтарын күтуге, оларға жағдай жасауға, сондай-ақ қажылыққа келетін адамдар санын арттыруға мүмкіндік ашылады.

"Мешіт маңындағы бұл кешен тұрғын үй, қонақ үй, коммерциялық және мәдени нысандарды қамти отырып, шамамен 900,000 адамға арналған ішкі және сыртқы намаз оқу орындарын ұсынады. Жоба Меккенің өзіндік архитектуралық мұрасын заманауи өмір сүру стилімен үйлестіреді. Сонымен қатар, шамамен 19 мың шаршы метр тарихи орындарды қалпына келтіру мен сақтау көзделген", – делінген баспасөз хабарламасында.

Жоба Сауд Арабиясының Vision 2030 стратегиясына сәйкес жүзеге асырылып, 2036 жылға қарай 300 мыңнан астам жаңа жұмыс орнын ашуға мүмкіндік береді.

"Салман патша қақпасы" жобасын Мемлекеттік инвестициялық қордың (PIF) компаниясы RUA AlHaram AlMakki компаниясы жүзеге асырады. Оныңмақсаты – Әл-Харам мешіті аумағын дамыту арқылы Меккенің жылжымайтын мүлік нарығыны жаһанға таныту.

Оқи отырыңыз:

• Қажылық – 2026: Қазақстандықтарды Меккеге қандай туристік компаниялар апарады
• Қажылыққа жинаған ақшасын сырқат балаларға бөліп берген қарияға ҚМДБ жолдама сыйлады