Астанада құрылыс қалдықтарын заңсыз төккен 10 ұйымға айыппұл салынды
15.10.2025
Бас қалада "Таза Қазақстан" акциясы жалғасып жатыр.
Қалалық полиция құрылыс нысандарында рейд жүргізіп, абаттандыру ережелерінің сақталуын бақылауға алды, деп хабарлайды inbusiness.kz сайты.
Құрылыс жұмыстары қаланың дамуына үлес қосады, алайда олар нормаларға сай әрі қоршаған ортаға зиян келтірмей жүргізілуі маңызды.
Биыл жылдың басынан бері абаттандыру ережелерін бұзудың 370-тен астам дерегі анықталды. Тек соңғы апта ішінде құрылыс қоқыстарын белгіленбеген жерлерге төккен 10 нысан жауапкершілікке тартылды.
