Америкалық БАҚ-тың кезекті шығарылымы Газа секторында Израиль мен ХАМАС арасында бітімгершілік келісіміне арналған.

Журнал қызметкерлері АҚШ-тың арағайындығымен қол жеткізілген тарихи жайтқа Трамптың еңбегі көлдей екенін жазған, деп хабарлайды inbusiness.kz сайты.

Сол себепті, Time журналының мұқабасында АҚШ президентінің фотосуреті және осы нөмірде жарияланған 3 мақаланың атауы қатар берілген.

– Бұл келісім – Трамптың екінші президенттік мерзімінің жетістігі. Сондай-ақ, Таяу Шығыс үшін стратегиялық бетбұрыс сәті болуы мүмкін, – деп жазды Time журналы.

Десе де, Америка көшбасшысы журналды фотосуреті үшін сынап, тіпті оны "сұмдық" деп атады.

– Олар менің шашымды "өшірді", содан кейін басымда қалқымалы тәжге ұқсайтын бірдеңе пайда болды, тек өте кішкентай. Өте қызық! Мен ешқашан төменнен суретке түсіргенді ұнатпадым, бірақ бұл фото жай ғана қорқынышты және күлкілі. Олар не істеп жатыр және неге? – деп жазды Трамп әлеуметтік желідегі жеке парақшасында.

Бұған дейін Газа секторындағы Израиль мен Палестина күштері арасындағы атысты тоқтату туралы келісім 10 қазан күні жергілікті уақыт бойынша түсте күшіне енген еді.