Бұл – мызғымас ұстаным .

Президент Парламенттік реформа жөніндегі Жұмыс тобының бірінші отырысында елімізде түрлі бағытта ауқымды өзгерістер жасалып жатқанын айтты, деп хабарлайды inbusiness.kz сайты.

"Бір палаталы Парламент құру туралы бастама инновациялық саяси шешім болды. Қазір ел ішінде, әлеуметтік желіде түрлі ой-пікірлер айтылуда. Басым көпшілігі мұны "әбден пісіп-жетілген мәселе" деп санайды. Тіпті, "Халықтың көбі қолдаған бастаманы талқылап, референдум өткізудің қажеті жоқ" деген ойлар да айтылып жатыр. "Реформаны созудың қажеті жоқ, таяу арада қысқа мерзім ішінде жасай салуға болады" деген пікірлер де бар", – деді Президент.

Шын мәнінде, қай жағынан алып қарасақ та, мәселе өте өзекті. Азаматтарымыздың әртүрлі пікір айтып, белсенді болғаны – жақсы үдеріс.

"Дегенмен парламенттік реформа – аса күрделі жұмыс. Асығыстыққа жол беруге болмайды. Себебі, бұл – еліміздің тағдырын шешетін жағдай. Бұл – мемлекеттің болашағына тікелей ықпал ететін қадам. Мұндай маңызды шешім кең ауқымды талқылау арқылы қабылдануға тиіс. Қазақстан – халық үніне құлақ асатын Әділетті мемлекет. Бұл – мызғымас ұстаным"", – деді ел басшысы.