Солтүстік Македония қақпасына керемет гол соққан Қазақстан құрамасының жартылай қорғаушысы Дінмұхаммед Қараман ойыннан алған әсерін бөлісті, деп хабарлайды Qazsport.

Футболшы допты қарсылас қақпасына өзінің үстінен асыра тепті.

"Матчтан кейінгі эмоция өте керемет. Сырт алаңда тең түскенімізге шүкір дейміз, бірақ ұтуға да болатын еді. Бұл нәтижеге де қанағат. Шынымды айтсам, шешімді миллисекундта қабылдадым. Тәуекелге бардым, гол кірді сөйтіп" — деді жартылай қорғаушы.

Оның айтуынша, жаттықтырушы оларға матч алдында өз ойынын ойнауды, яғни, шабуылдап, тік пас беру арқылы ойнауды тапсырған.

Естеріңізге сала кетейік, кеше түнде Қазақстан мен Солтүстік Македония ӘЧ-2026 іріктеу турнирінде 1:1 есебімен тең түсті, бірақ Қазақстан құрамасына бұл есеп 2026 жылғы әлем чемпионатына жолдама алуға мүмкіндік берген жоқ.

Посмотреть эту публикацию в Instagram

Публикация от «QAZSPORT» телеарнасының ресми парақшасы (@qazsport_official)

Мәтіннен қате тапсаңыз, бізге жазыңыз