136 млн теңге: Көкшетауда қаржы пирамидасы әшкере болды

13.10.2025

Көкшетауда S-Group қаржы пирамидасының құрылымдық бөлімшесінің басшыларына қатысты тергеу аяқталды, — деп хабарлайды Massaget .kz тілшісі.

Ұйымдастырушылар S-Pharmaceutical және өзге де жобаларға медициналық каннабис өндірісі мен дистрибуциясына инвестиция тарту деген сылтаумен әрбір жаңадан тартылған қатысушыға салым сомасының 5%-ы мөлшерінде табыс уәде еткен.

Қатысу үшін сайтта тіркеліп, кем дегенде 100 АҚШ долларынан бастап салым жасау талап етілген.

"Күдіктілердің бірі бұған дейін Life Is Good және Finiko қаржы пирамидаларына қатысып, онда табыс тауып, кейін осындай схема арқылы өз жобасын құрған. Қаржы пирамидасына 59 азамат тартылып, олар жалпы 136 миллион теңгеден аса қаражат салған", — деп жазылған хабарламада.

Күдіктілер салымшылардың ақшасына елордадан екі пәтер мен автотұрақ орнын сатып алған, оларға сот санкциясымен тыйым салынды. Үш ұйымдастырушыға бұлтартпау шарасы қолданылды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Logotype Massaget

Related to this topic:

Latest to this topic: