Мемлекет басшысының Жарлығымен Қазақстанның бірнеше елдегі елшілері ауысты. Бұл туралы Ақорда хабарлады.

Мемлекет басшысының Жарлығымен Данияр Сарекенов Қазақстан Республикасының Словения Республикасындағы Төтенше және Өкілетті Елшісі лауазымынан босатылды.

Сондай-ақ мемлекет басшысының жарлықтарымен:

Алтай Әбибуллаев Қазақстан Республикасының Словения Республикасындағы төтенше және өкілетті елшісі лауазымына тағайындалды;

Қазақстан Республикасының Хорватия Республикасындағы Төтенше және Өкілетті Елшісі Дәулет Батырашев Қазақстан Республикасының Босния және Герцеговинадағы, Черногориядағы төтенше және өкілетті елшісі қызметін қоса атқарушы лауазымына тағайындалды;

Қазақстан Республикасының Алжир Халық Демократиялық Республикасындағы төтенше және өкілетті елшісі Әнуарбек Ахметов Қазақстан Республикасының Тунис Республикасындағы төтенше және өкілетті елшісі қызметін қоса атқарушы болып тағайындалды.

Мәтіннен қате тапсаңыз, бізге жазыңыз