Ауғанстан мен Пәкістан шекарасында, Дюранд сызығында қарулы қақтығыс жүріп жатыр, деп хабарлайды KAZ.NUR.KZ РИА-Новости-ге cілтеме жасап.

Басылымның Tolo news агенттігіне сілтеме жасап хабарлауынша, Талибан күштері мен Пәкістан армиясы арасында Дюранд сызығында ауқымды қарулы қақтығыстар болып жатыр. Атап айтқанда, Кунар, Нангархар және Гильменд провинцияларында оқ пен жарылыс дауыстары естілген. Бірқатар аудандарда пәкістандық әскерлер позицияларын тастап, шегінуге мәжбүр болғаны хабарланды.

Сондай-ақ БАҚ дерегінше, қақтығыс кезінде бірнеше пәкістандық сарбаз қаза тапқан.

"Жергілікті ақпарат көздері Гильменд провинциясының Бахрамча ауданындағы Пәкістан армиясының шекара бекеттерінің бірінің құлағанын растады", — деп жазады басылым өзінің Telegram желісіндегі арнасында.

Ода бөлек Кандағар провинциясының Шорабак ауданында да қақтығыстар болған.

Мәтіннен қате тапсаңыз, бізге жазыңыз