Президенттік жастар кадрлық резервіне іріктеу жалғасып жатыр. Маусым айында басталған іріктеуге биыл 31 мыңнан аса азамат өтінім білдіріп, тек 7,5 мың үміткер қатысушылар тізіміне ілікті, деп хабарлайды 24.kz.

Нәтижесінде 100-ден астам кандидат бес кезеңнен өтіп, сараптамалық комиссия мүшелеріне мемлекеттік саланы дамытуға қатысты жобаларын таныстырды. Олардың қатарында білім магистрлері, Болашақ бағдарламасының стипендианттары мен мемлекеттік басқару академиясының түлектері бар. Іріктеу қорытындысына сай, үздік 50 үміткер президенттік жастар кадрлық резервіне өтеді.

Мақсатымыз — мемлекеттік қызметке жас, талантты, "халыққа, елге қызмет етеміз" деген жастарды іріктеп, таңдап алу. Сондықтан да бізден кейін де Ұлттық комиссия отырысы бар. Талаптар сол қалпы қалды. Біз 35 жасқа дейінгі жастардың барлығын қабылдадық, ол Қазақстан Республикасының азаматы болуы міндетті. Сонымен қатар 5 жыл жұмыс өтілі болуы керек", — дейді Мемлекеттік қызмет істері агенттігінің төрағасы Дархан Жазықбай.

"Бизнес саласынан келіп отырмын. Таңдаған бағытым — жер қойнауы, яғни заңсыз жер қойнауымен күрес. Осы уақытқа дейін 5 этаптан өттік, 6 этапқа қатысып отырмыз. Өтем деген ойдамын", — дейді кандидаттардың бірі Бағдәулет Тұрғараев.

Мәтіннен қате тапсаңыз, бізге жазыңыз