Себебі , қалалық тұрғын үй қорынан жастарға жалға берілетін пәтерлерді баспанасы бар адамдар алған.

Мұндай заңбұзу деректері бірді-екілі емес, жүздеп кездеседі, деп жазады inbusiness.kz сайты Ұлттық арнаға сілтеме жасап.

Анықтай келе 451 азамат жалға алу шартын бұзған. Кейбірі өз атында үйі бола тұра, пәтерді жалға алса, енді бірі бұған дейін басқа мемлекеттік бағдарлама арқылы үйлі болған.

Сондай-ақ, пәтерді үшінші тұлғаларға жалға беру деректері де тіркелген. Тексеру қорытындысы бойынша 451 пәтер қаланың коммуналдық меншігіне қайтарылатын болды.

"Тұрғын үй басқармасына бұл бойынша ескерту берілді. 439 пәтерді мынау бағдарламаның шартын бұзғаны үшін босату бойынша сот органдарына талап арыз түсірілді. Оның екеуі бүгінгі таңда қанағаттандырылды", – деді Шымкент қаласы әкімінің орынбасары Сәрсен Құранбек.